Møtesalen - alle konsentrer seg.

Allereie klokka 10 laurdags morgon, byrja representantane å strøyma inn dørene til Humanismens Hus. Også i år, som i fjor, var det Rogalendingane som måtte ta eit tidlig fly og difor komme først. Programmet byrja ikkje før klokka to og mange hadde difor god tid til å bli kjend med kvarandre og utforske Oslo litt meir. Etterkvart inviterte Sentralstyret til lunsj og namneleik i fjerde etasje. Etter at alle hadde blitt eit eller to namn rikare, kunne endelig landsmøte byrja. Først måtte alle gjennom ein innleiing ved Lars-Petter Helgestad om korleis eit landsmøte går føre seg. Så skulle alle opp på talarstolen og presentere seg sjølve. Der kunne dei blant anna ta med sivil status og mange tok sjansen til å erklære seg, nokså stolt, over å vera single.

Ros frå Human-Etisk Forbund
Klokka 14 starta det lenge etterlengta landsmøtet. Etter å ha blitt kjend med møteleiarane, Magne og Anne, vart endelig møte formelt opna av Humanistisk Ungdom sin sittande leiar, Lars-Petter Helgestad. Etter litt rot ved val av møteleiarar og referentar og avbod frå kandidatar til andre møteverv, haldt Kristin Mile, generalsekretær i Human-Etisk Forbund, ein helsingstale til landsmøte. Her gav ho HU mykje ros og kommenterte blant anna øyrepropp-aksjonen, som ho beskreiv som svært vellykka. Vidare presiserte ho nødvendigheita for å skape oppsikt og såg fram til eit vidare samarbeid med HU.

Ettersom timane gjekk stod etter kvart arbeidsprogrammet på dagsorden og det vart ein god debatt om kva som skulle vera HU sine prioriteringar det komande året. Nokre saker etter det var det endelig slutt for dagen. Resten av kvelden blei brukt til blant anna ein papirbyggjekonkurranse, film og brettspill. Mange tok tida til å bli betre kjende med kvarandre. Om lag klokka eit om natta, tusla siste rest av delegatane opp mot Cochs Pensjonat. 
 

Solfrid, Maarten og Karianne presenterer de gode ideene fra  aksjonsverkstedet.

Aksjonsplanlegging
Dagen etter var det frukost på Humanismens Hus, før alle gjekk i grupper for å kome med idear til kva HU kan komme opp med til hausten, når alle medlemmar av den Norske Kyrkja får eit brev om at dei står oppførte som medlemmar. At Kyrkja må rydde opp i medlemsrotet sitt, var det mange kom fram til. Etter ein gjennomgang av årsberetning og rekneskap for 2008, blei endelig saken val, opna. Mange hadde stilt til verv, og mange var spente på korleis sentralstyret skulle sjå ut etter valet. "Valet blir sikkert knasketøft og spennande", kommenterte Mathias Westberg frå Tromsø lokallag.

Val
Etter litt meir rot frå ordstyrarbordet om korleis valet skulle gjennomførast i tråd med vedtektene, og ein del minutt etter at landsmøte eigentlig skulle ha vore avslutta, var nye sentralstyremedlemmar og ein ny valkomité vald. Som leiar av Humanistisk Ungdom vart Lars-Petter Helgestad gjenvald, og med seg fekk han Kjetil Hermansen frå Oslo som økonomileiar, Anna-Marie Antonsen, Anders Garbom Backe og Synøve Vang som sentralstyremedlemmar. Birgitte Torsnes Meyer frå Hamar og Gunnhild Strokkenes frå Oslo vert vald som høvesvis 1. og 3. varamedlem. Saman med dei som vert vald for to år i fjor utgjer dei Sentralstyret i HU.

Møtet vart formelt avslutta i halv tre tida og representantane kunne endelig vende nesa heimover. Mange hadde då blitt kjend med mange nye vennar, og mange ser allereie fram til sommarleiren i august. Og alle var semde om at det hadde vore enda eit spennande og morosamt landsmøte i Humanistisk Ungdom. 

Vel heim og me sjåast på sommarleir!

Espen Urkegjerde

(Her kan du lese intervjuer med noen av deltakerne!)